គណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារីនៃព្រឹទ្ធសភា (គណៈកម្មការទី៨) ដឹកនាំដោយលោកជំទាវ មាន សំអាន ប្រធានគណៈកម្មការ ដោយមានការយាង និងចូលរួមពីសមាជិកាព្រឹទ្ធសភា បានអញ្ជើញចូលថ្វាយបង្គំ និងបាននាំយកនូវទៀនព្រះវស្សា បច្ច័យ ទេយ្យទាន និងសម្ភារបរិក្ខាផ្សេងៗ រួមទាំងចង្ហាន់ ទៅថ្វាយសម្តេចព្រះពោធិវ័ង្សកិត្តិបណ្ឌិត អំ លឹមហេង សម្តេចព្រះសង្ឃនាយកស្តីទីគណៈមហានិកាយនៃព្រះរាជាណាចក្រកម្ពុជា និងជាព្រះចៅអធិការវត្តជំពុះក្អែក នាព្រឹកថ្ងៃទី០៧ ខែមិថុនា ឆ្នាំ២០២៤ ដែលស្ថិតនៅក្នុងសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ។ ទេយ្យវត្ថុ និងគ្រឿងបរិក្ខា ដែលប្រគេនថ្វាយនាឱកាសនោះរួមមាន៖ ទៀនព្រះវស្សា បច្ច័យ អង្ករ ទឹកបរិសុទ្ធ ទឹកក្រូច ព្រមទាំងផ្លែឈើស្រស់ និងចង្ហាន់៕
ប្រភព៖ នាយកដ្ឋានព័ត៌មាន
